突破毅行極限－征服東瀛

有人說，運動是universal language，能把不同類型的人士連繫起來。四個來自不同行業、不同年紀的跑山者，因跑山結緣。相識以來，Edward、Raymond、Sam及In不時相約一起訓練和交流跑山心得，久而久之，默契建立，更於去年組成Team Columbia HK參加毅行者。他們一直積極參與香港跑山賽，上月首次衝出香港，出戰日本樂施毅行者。首次挑戰海外賽，勇奪冠軍，成績令人鼓舞。

冠軍的背後

願意付出才有回報，小朋友也懂的道理，相信也是Team Columbia HK四人一直堅持練習的原因之一。能成為日本毅行者的冠軍隊伍，背後的付出實不少。行山已成為In生活的一部份，即使與隊友各有各忙碌，也希望能多一起練習。「我哋盡量都希望可以夾到大家嘅時間練習，至少每星期都要一齊行一次山，另外各自都會做一啲自我訓練，跑下步，做下gym咁。」

日本毅行者路線、地形都與香港大不同，泥路斜路較多，除了賽前做足資料搜集和向各方跑山好友「收風」外，自然也要加強具針對性的訓練。熱愛毅行的Raymond表示:「我哋去日本都係玩毅行者，所以主要都會練番香港嘅毅行路線，而日本條路線都有啲比較斜嘅路段，所以我哋都重點練麥徑中較tough嘅雙坳，50幾公里內要做到一定時間，練一至兩課train up番自己。」賽前四人訂下目標時間18小時，能否贏得冠軍，他們沒有多想。最後能以17小時10分鐘完成並奪冠，超額完成目標。

專業裝備　提升表現

除了訓練模式、力度、自身的實力及毅力，外力如訓練裝備也是重要的一環。談到訓練時所面對的困難，Sam立即說是天氣。「香港天氣潮濕又侷促，夏天氣溫仲好高，太陽曬落嚟個感覺好差，所以訓練嘅時候除咗飲多啲水，都要著一啲能夠排汗同有效降溫嘅衣物。Columbia Omni-Freeze Zero baselayer物料內層有好多降溫圓環，可以快速吸收汗水，並同時發揮降溫功能，加上佢好快乾，件衫唔會貼住身體，跑都跑得舒服啲！」對於裝備，In亦認為Omni-Freeze Zero很適合他們訓練甚至比賽時穿著。「呢件衫個設計會俾到你涼快嘅感覺，喺香港嘅天氣下著就好適合，而參加日本毅行者嘅時候天氣都算比較熱，所以佢嘅降溫科技都有助我哋發揮，唔會因為太熱而感到辛苦。加上有Omni-Shade UPF50防紫外線科技，烈日當空都唔怕。」拍攝當日氣溫達攝氏33度之高，但過程中四人從沒喊熱，相信是Columbia Omni-Freeze Zero正在發揮其速乾及降溫功效吧！

跑山之人用雙腳走天涯，對鞋履固然要求甚高。四人中最資深的Edward表示，香港天氣潮濕，加上在山路難免會遇到青苔泥濘，一雙高性能鞋履顯得更為重要。「我哋跑越野路，最緊要有一對唔跣又抓地力高嘅鞋，Columbia Powervent 就可以做到呢點。佢個鞋底較硬，比較耐磨，加上Omni-Grip戶外抓地科技同鋸齒狀嘅設計令我哋跑到濕滑嘅山澗都能穩步向前。」Sam亦補充，Columbia Powervent 的超輕網狀鞋面和中底的排水孔獨特設計，有助快速透氣排水，防止鞋子變重和避免雙腳浸水而受傷，對跑山人士很重要。

延續毅行精神

Team Columbia HK四人不論以團隊還是個人形式，一直積極參與各大大小小跑山賽。談到將跑至何時，他們均異口同聲表示，只要行得走得，都會跑下去。比賽往往有很多未知之素，相信賽前未能預測的刺激感也是吸引他們跑下去的原因之一。 「喺日本毅行者，我哋早過亞軍隊伍16分鐘抵達最後一個checkpoint，但之後竟然喺途中遇見佢哋，最後只係以3分鐘之差贏佢哋，好刺激！」

熱愛挑戰的他們當然未會卻步，四人於8月會再次衝出香港，到印尼參加難度極高的跑山賽。該賽事最高路段達5200米高，全長50公里，限時22小時。他們翻查上屆資料，300人參賽，只有13人能夠完成，更加從未有女性參賽者完成。賽事難度高，但四人卻未有卻步，反而更感興趣，目標是成功完成比賽。憑著從未磨滅的意志和毅力，相信他們必定竭盡所能，達標歸來。