Profile
一九五三年出生於香港。七三年往英法留學，回港後任教師至今。八五年成立基層勞工團體「街坊工友服務處」（街工），同年獲選葵青區議員。九五年當選「紡織及製衣界」立法局議員。九八年至今，為立法會新界西民選議員。
回歸前首次參加全馬、剛出版自傳《我固執而持久地，過這種生活》。

另類跑手                                                                                                             
梁耀忠

梁耀忠從不是風頭躉。
說話陰柔，加上標記式白髮，和一張木納的臉，怎看也似苦情小生多過立法會議員。
「其實我唔係好鍾意做前線。」
偏偏，自九五年參選至今，他從未輸過，雖然今日仍有街坊叫他「譚耀宗」。
沒有政治魅力，示威又不懂攝位，靠的，大概是幾近戇直的堅持。
爭取最低工資，前後等了三十年；
協助葵芳邨問題公屋住戶，一用十年；
為少年犯爭取明確刑期，更由「等候英女皇發落」等到由「董建華發落」。
還未算每天大大小小的工人、街坊、囚犯人權問題。
不計時間，只求有成，是他的人生態度。
跑過八次全馬，三次被迫中途退出，就算完成，時間都在五小時以外。
「跑晒已經好開心。」
如果說人生是場馬拉松，梁耀忠絕對是另類跑手。

挑戰馬拉松
梁耀忠自小喜歡運動，唯一例外是足球。
「太violent。」
自信任何運動都很快上手。最經典，應該是跟岑建勳牙骹戰。
「岑建勳有段時間突然鍾意打Golf ，話好難學。我話唓有咩難，佢話咁你打下，我話打咪打驚你呀。
「佢話如果你十球裡面有一球打到三十米以外就咩都得，打唔到就跑半馬。」
結果出人意表。
「我十球都打到呀﹗我朋友影晒相俾岑建勳睇。」
「姿勢唔係好正宗，但係一球都無失到。不過佢唔認帳，話唔係親眼睇到唔算數。」
樣樣皆能，偏偏給馬拉松難倒。
「估唔到咁辛苦，真係好辛苦。
「馬拉松真係人生大挑戰。」

九零年代開始，梁耀忠逢假期都在星光大道跑步。
「打風落雨都跑。」
回歸前，朋友叫他一起參加全馬。比賽前，他專誠到新娘潭跑半馬試水溫。
「跑了兩小時二十分，唔係好辛苦，就好有信心自己可以跑到全馬。點知全馬跟半馬是兩回事。」
還未清楚全馬距離，就跑到仍未啟用的新機場參賽。
「跑到27、8K之後，個人就軟晒，又肚餓、又辛苦，又冷，真係第一次感受到咩叫飢寒交迫。」
結果，救護員一左一右挾他離場。
「我已經無晒知覺，
「佢哋話：『梁議員，你仲要為民請命。』」
最難堪是無法完成。
「好唔忿氣，接受唔到自己完成唔到。因為一直唔覺得運動會難到我。
「我覺得自己好水皮。」

不是譚耀宗
於是他在週末愈跑愈長，又參加半馬及十公里比賽，希望鍛鍊體能，跑完全馬。
「第二樣你可以牙擦，體能你真係唔可以牙擦。」
至今共參加八屆全馬，五屆跑足全程，成績卻在時限之外。
「跑步是個人的事，跑幾快都是自己
「跑晒已經好開心。」
終於跑到接近4小時的成績，卻被大會司儀叫他譚耀宗。
「慶到我。」
原來連附近街坊都會叫錯。
「第一句會叫梁耀忠或者梁議員，跟住都係叫譚議員、譚生。」
差之毫釐，謬之千里，叫錯當然嬲。
「他取向同自己好唔同，雖然他以前都是工運出身，但現在給人的感覺反而更像工人貴族。」
但最嬲，其實是自己。
「點解人哋識叫譚耀宗唔識叫梁耀忠？
「即係你做的東西別人沒有印象，已經這麼多年，證明係你失敗；
「如果認同點會記錯。」

不愛做前線
的確，梁耀忠算是人氣比較低的議員。
「其實我唔識包裝自己，亦唔鐘意包裝自己。
「我唔鍾意揸咪講嘢。就算年青時跟岑建勳一齊，都是做旁邊那個。」
九五年當選議員至今，最為人記得的是一句「臭坑出臭草」。
「有得再揀我一樣會照講，
「這是性格一部分，講得出，為何要收？」
留學英、法，他初次接觸到社會主義。
「這個意念我到現在都同意。
「最重要是每個人發揮自己潛能，而又得到其他人照顧，各盡所能、各取所需。」
可惜理念相近的人不多。
「咁多年都係咁，如果為同埋而同埋就無意思，
「唔通人哋結婚你又結婚，唔理對象都結咩？要有個原因，要能夠合作先有意思，
「不要為找partner 而找partner。」
所以他愛跑步。
「唔使等人都做得到。最重要是不用找partner。」
但他最愛的其實是乒乓球。
「但你要找人跟你打，水平又要差不多，太叻你又頂唔順，太差你又唔得，好難揀到咁嘅人。」

給兒子的信
找人同行不易。即使今天目標一致，他朝亦可能成為對頭。
拍擋會走，戀人會走，走不掉的只有血脈。
「我一生人最親密就係個仔。」
小時還可以迫他一起跑步，長大卻學懂托詞推搪。
「他寧願同同學去gym跑。」
兒子今年十九歲，想關心卻不敢開口。
「我哋唔似外國人咁慣講。」
「就算我講，他都未必想聽。」
不能靠言語，唯有靠文字。新出的自傳，寫明送給兒子，目的是希望他多了解自己。
「一生人嘅經歷都講唔晒佢知，有些他未必想聽，所以想俾佢睇，等佢睇晒佢。」
兒子卻嫌悶，不肯看。
「男士都係難開口。」

關於跑步，我說的其實是…
因為寫自傳，朋友介紹他看小說家村上春樹的前作，《關於跑步，我說的其實是…》。
「我睇完覺得唔鍾意。」
最不同意，是村上說，不要勸人跑馬拉松。
「我也是別人叫我跑，如果無人push我都唔知自己得。」
所以他經常鼓勵同事跑步。今年「街工」成立廿五週年，廿多位同事出戰渣打馬拉松，用雙腳籌款。但跑全馬的也只有他一個。
「完成難度高嘅嘢會好開心。」
可惜香港馬拉松無人欣賞。
「聽說馬拉松在很多國家都是盛事，有位朋友說在日本會給你八小時跑，中途又有很多人整嘢俾你食，像嘉年華一樣。更多運動版圖雜誌