賽前章程明明寫住第一二三名分別得不同價值的"現金劵"(現在睇番章程有寫是現金劵或鞋類禮品, 仲有講邊間鞋公司,吾知係咪後加)。得獎當日變左係一對對實體的鞋做獎品大家都覺得搞笑, 因為內裡都是些聲稱值$500的拖鞋,或大碼的核突涼鞋,但當時大會說可去番該鞋店換其他鞋款, 心想都叫做算係現金劵既, 回家給媽媽, 媽媽也詫異既然係咁點解吾一開始俾張鞋劵去揀算。

今日番媽媽家, 她話我知, 其實根本等於無得換, 因為對鞋要以其他鞋的原價計算更換, 而問題是店內做緊大減價, 其他鞋打折後仲平過拎呢對寫住值$400 的鞋換, 如對鞋標$1400折左$800幾,而用呢對鞋換是$1400減$400計, 仲貴過原本。咁我媽想換番呢款鞋岩尺碼著算, 但又話無碼。31/8 前要用, 響佢折扣期間等於無用。

比賽吾係話淨貪啲咩禮物, 你報名費平可以無禮物, 我無野拎響手掛住個獎牌影相一樣開心, 但你想做贊助商, 想得獎者上台拎住你公司名既鞋袋影相宣傳, 或主辦單位一開頭想講有現金劵幾錢幾錢吸引多啲參加者, 從中得左利就要有番良心, 吾可以之後求其俾對賣剩鞋人(因所有分店都無size換), 送的都一定諗到對鞋會撞吾岩size; 都吾緊要, 比賽開支大, 只能送小小禮品當心意ok, 吾好再呃多人一重, 絕當日笑柄, 話可以隨便換但背後又買仲平過換呀麻, 咁大間公司拎利益之餘一丁點付出的心都沒有, 相比當日送鮮果雪條的公司, 呢間鞋店簡直是賊!人地贊助是奉上真係食得既雪條, 圖的只是你拎時俾張卡片你; 你圖的是冠亞季三名的唯一獎品銜頭! 我終於知點解吾好似其他賽咁比張劵人算, 因為間公司算到盡, 拎住鞋盒影相先睇到架麻, 一張紙人地睇吾到。

結果我地得獎者就拎住一盒自己吾岩著的鞋番屋企, 然後又天真的再拎住盒鞋去換, 先知原來拎住盒負價值的東西, 比人耍幾轉!

P.s.,我媽媽話佢店內的鞋原價對對都過千, 吾加錢換吾到, 加錢就就咁買平啲, 沙田店員同佢講旺角會多啲款, 結果佢出埋旺角都一樣。

tseyanyan  2485 天前

比賽成績，何時可知呢？

mkhng123  2490 天前