李健和，在綠茵場上馳騁二十多載的足球明星，正式掛靴。這不僅代表「一部分」香港人繼天星、皇后碼頭、喜帖街、麥花臣球場、「阿叔」林尚義後又多了一個「集體回憶」，亦代表一個香港足球年代的終結。儘管「和仔」已剪掉那束給他運氣的標誌長髮，退下「火線」，年屆四十一的他，對足球的熱誠仍不減，心中還有一團火。

學生哥掛住踢波

對於一些在八十年代前出生的「佬」而言，只要有一對白飯魚、一個皮球，一塊空地已是一塊樂土。長於坪洲的李健和也一樣，自小便喜歡足球，時常流連於離家不遠、位於山上的泥地足球場；中二輟學，亦全因足球：「嗰陣我喺跑馬地三育中學讀書，踢緊菱電青年軍同香港青年軍。逢星期二、四，一放學就跑去跑馬地球場練波，三、五就要搭車去體院踢，而星期一都會踢波。換句話講，一星期踢足五日波，成日要十一、二點先返到坪洲，第二日五點幾又要起身返學。精神唔好，成績自然唔好。有一次，我要請假到海外比賽，校方『咋型』，話我請假太多而唔畀我請假，我話真係好想去，如果係咁，我唔讀喇。其實當初我又無諗過要做全職運動員或者第日要點點點，我只係知道自己鍾意踢波，同埋要喺嗰屆嘅青年賽為菱電攞冠軍。」李健和說。結果是，那年菱電只能屈居亞軍......