仲記得當牛英我仲係細蚊仔時，一到冬天就會求牛媽帶我去裕華買綿衲。
依家？11月仲係廿幾度，笠件長袖都嫌太熱！
唔通一如盧冠廷所言，地球暖化、世界末日？

想過返個有寒意嘅冬天，唯有飛去外國享受白色聖誕之旅。唔識滑雪，怕去到雪山會喺成班Friends面前出醜？不如就喺香港秘密練兵一番！


睇到呢度，大家一定以為香港新開咗室內真雪場，錯！邊個話有雪先可以學滑雪？

推門，完全無想像中冰天雪地嘅冰涼感覺，天花板亦無噴出人造雪，有嘅只係一部世界最大型的模擬滑雪機。不妨將佢想像成一部鋪上厚地氈的巨型跑步機，只要開著佢，學員就可以喺上面學習雙板滑雪（Ski）或者係單板滑雪（Snowboard）。

只見一位身材高挑嘅美女喺模擬滑雪機上面踩住個Snowboard左穿右插，有時急剎擺甫士，有時仲成個跳起玩花式....